《關心與操縱》

若然現實生活的情人，如《烈火雄心3》中的王喜般，應該都是一件很辛苦的事。

沒錯，他很關心你，事無大小都想為你準備好，甚至連自己的家人都照顧得，很體貼，是他所謂的體貼。看來，這個是好男人來的，應該珍惜吧，似乎。

只不過，他婆媽、囉嗦、討厭得，好。緊。要。

關心，是有底線的。底線是，不要以為你自己以為是好的一套，就要你身邊的人接受。為別人做事，最忌就是自以為是。就好像，天氣冷時，一句關心其實已經很足夠；但買了一件棉襖（！）迫人穿上街就是過了底線。

很多事，本來都是正面的，但一「過份」，就多數沒好處。你過份關心情人，最終只會將情人迫瘋。每個人都是獨立的個體，就算是情人的關係，你憑什麼為人安排呢？好的，你會說，我愛你，所以作出這樣的行為；其實，你只是很自私，想操縱我而已。你有意見，可以說出來，但採納與否，是我的自由。

不要以為，你對人好，別人就應該要接受、會喜歡。

事實上，兩者從來都沒有對等的關係發生過。

《我信 愛》

我相信愛情 我覺得愛情可以改變一個人
愛情可以令人盲目 不理智既不理性

我向了幾個人問了一個問題
“ 假若你好愛一個人 你追求緊他/她 後來才知道佢本身有另一半
但你們有輕輕曖昧ge關係 你會繼續追嗎? ”
他們都不約而同地 狠狠說了聲 “ 不 ”
他們的理由都是覺得沒有保障 難擔保另一半會再次出軌
認為再發展下去都會有芥蒂 難以維繫 始終有前科
我也不否認這是對的 所謂一次不忠百次不容 出軌一次 更大機會有下一次
就算追到番黎 將來伴侶又可能另結新歡

但要是我遇上這樣的情況 我卻會默默的追下去
其一我唔想後悔 追唔追到唔緊要 因為我愛佢 點都無所謂
其二我相信對方真的是愛你 他/她最終一定會投向你身邊
愛會令人改變 愛你就會一心一意的對你 唔會再找其他水泡
又驚咩第三者ge出現呢?
而且我認為要是你追一個無前科ge人 唔代表佢唔會無第三者
甚至你更加唔可以阻止狂蜂浪蝶ge出現 之後你所謂無前科ge另一半因此而飛開你
無前科難道就唔洗擔心第三者ge出現?

其實我覺得只係時間問題 有前科ge另一半 因為係你出現時間較遲而已
你出現前他/她愛上a君 直到你以真命天子ge身份出現 他/她才與你一起
咁跟一個一早與你一起ge另一半 突然一日可能為左第三者飛係你ge情況係無分別
可能你會覺得個分別就係前者你係做人第三者 後者係做正室
對唔住 唔好扮偉大 一開始唔做人第三者
如果對方係愛你 前者情況ge你根本唔係第三者 係人地做緊第三者阻住你地發展
而言 後者情況係你突然變成第三者 阻人發展 所以係無分別 只係時間問題

可能你會覺得我好矛循 既然你相信愛 點解會覺得正室可以比人取代
如果一開始係愛你就應該從一而終 點解第三者出現 再去愛另一個?
對 愛就應該從一而終 唔應該三心兩意
我信愛 不代表我相信愛是天長地久 一生一世
愛係有保鮮期 一過即逝 見一個也可能愛一個
愛就是這樣奇妙 可以係一年 可以係一日 可以係一世
只看你的真命天子何時出現 可以一世都找不了
事實你又可嘗見到結婚者一定係初戀丫 離婚更多的是

我覺得愛才是最大 不論做人正室定第三者 對方係愛你
一定屬於你 有第三者唔代表要散 第三者唔代表唔可以係正室
只要係愛 點解唔轟轟烈烈去愛一次 即使是一天 又如何 點解要計較甚麼呢

《能不能不要說愛》

實在有太多人，由始至終根本都不相信異性之間存在著純友誼。刻意親近，大獻殷勤都只為釣大魚，最終目的是博得美人歸或覓到如意郎君，那些好全是計算。放遠一點看，求偶乃是生物之本能，異性相吸，沒什麼不妥。可是如果男女間的關係只為戀愛，為繁殖，似乎又不盡然。人的相處合則來不合則去，樹木眾多，森林亦不止一個，跟這個成不了愛侶再找下一個便可。這樣推論下去，當其中一方無法再吸引對方，這種「友誼」關係就應當結束，那是非常短暫的。但事實上我們看見的並非如此。男跟女的友誼，可以跨越狠多個十年，甚至比伴侶親人相處的時間還要長。

就本人認為，男女間的友誼大概有三種，它們的起步點可能是為著戀愛，但當日子久了，愛慕的心不再熾熱，漸漸轉化成了友誼，純潔的關係因而產生，所以能一直友好到永久。

第一類－追求不遂唯有做朋友
暖昧過後，做不成情人，要麼疏遠，要麼淡忘，不然就只好甘心做對好友。你了解他，關心他，想要對他好，只是轉了另一種方式罷了，既是無可奈何，又沒有什不好。功利點說，這樣的關係，既沒有包袱束縛，有自由尋找外界的美好；又可以把喜歡的（或是曾經喜歡的）留在身邊，多好。

第二類－不適合當情人不如稱兄道弟
有些人你無論覺得他再好，跟他再親，就是彼此都太清楚大家走不出朋友的框框，那怕雙方都有感覺。無論再喜歡，也就是不適合。勉強要走在一起，快樂如曇花，花謝過後便不相往還，大家都輸不起。於是一直保持著半曖昧的友好關係。諷刺地，這種關係反而最能長久；即使有天感覺流走，也能安心的讓對方成為最可信任的一個。

第三類－真正的純友誼
這種關係不多，但確實存在。可能是初見時已一早否決發展的可能性，又可能根本沒有想太多，機遇讓二人愈走愈近，最終成了好友。這種友誼單純而可貴，無條件而美好。嘗甘苦共患難，不望回報，絕無怨言。

以上三類友誼都有其存在價值，可算是生命中不可或缺的。不論擁有以上哪種其實都值得可喜，因為人的相識相遇始終是緣份。而抵得過時間考驗的友誼，無論出發點為何，都是純潔的珍貴的。請不要抹殺這美好的可能性，也請不要抹黑，這種純潔而帶神性的友愛。

《日本趣談》

係未去日本之前 都憧憬著日本所有野都是美好
不論是人的質素(樣子+衣著) 環境質素 生活配套 都比香港更進步
但去完日本之後 原來日本都非我所想像

好記得去日本令我最頭痛的是 垃圾桶+廁所
原來日本街邊得好少垃圾桶同廁所
當然商場一定以上設備 不過唔係下下都走入商場掉垃圾嫁
可知道日本食物d包裝都多過人 有時都會食下街邊小食
總之行行下街總之就會有垃圾要掉 不過搵極都搵唔到垃圾桶 勁唔方便
完全諗唔到日本人點處理平時行街個陣有ge垃圾嫁~
唔通放係自己袋?? 再番屋企掉左佢??
之後又比我見到d日本有一個習慣嫁喎
當佢地食街邊小食個陣 都會係間鋪頭側邊食完
然後將d包裝紙掉係該鋪頭個垃圾桶 (其實覺得有d怪)
唔會好似我地香港人咁邊行邊食
唔怪得佢地無掉食物包裝ge煩惱啦
不過另一個奇怪之處係日本夜晚街道又特別污糟嫁喎
總係突然有一袋二袋垃圾係某一個位 (日本都唔係想像中咁清潔姐)
多數我見到咁ge情況 就掉d垃圾係個個位 唔係都唔知點算
總言之 日本又好似好清潔 又好污糟咁啦~

而去廁所又唔方便 廁格尿兜又勁少 男仔去廁所都要排隊
真係唔好講笑~ 我見過係酒店大堂個廁所 d男人要等廁格屙屎囉~
又有d日本廁所又勁open 男廁個尿兜起正門口側面
門係開住嫁喎 不過對面就係女廁 d女性個個企係出面等
D男性竟然可以照屙尿囉 完全唔明點解可以咁
反而最多廁所就係係地鐵 不過d廁所勁臭
而係 “mou” 塔 完全覺得日本點解可以咁唔文明
所以出酒店前同食飯後 都一定要去廁所
唔係行行下街要搵廁所係好辛苦

而另外對日本人都有另一番見解~ 本來以為個個日本人都好潮嫁麻
女性呢個個都gel晒甲 男仔個個都型到死
點知原來日本街坊look ge人勁多
Mk look ge人都唔少 衣著都簡單得很~
另外女性們又唔係個個濃妝gel 甲 同香港差不多
有簡單有醜有靚有肥有瘦~
不單只係人 其實連日本商店都同香港一樣
唔係間間潮 甚至有太子聯合的味道

不過日本其實都好日本ge 就好似原宿咁
原宿整條街道ge商店都係獨立設計 商店設計又充滿日本味道
衣服又夠潮 街道夠大又少人 舒服得很
係放血ge好地方!!!

而且四仔店 (又名 “無料” 店) 企街都特別多
完全係日本ge文化 講係企街就特別喇
如各位去歌舞技丁 你會發現好多男性企街 (包括派傳單宣傳)
有時會係卡拉ok宣傳 有時係麻雀宣傳 形形色色咩都有
不過當你見到一個waiter衣著及長頭髮男性向前兜搭
那一定是鴨仔了 ~ 哈哈~ 去日本者 一定要留意 如來無女性企街!!
而且日本便利店有雜誌專係講鴨仔嫁~
做鴨做到咁出名 真係日本得!!!

另外不得不提就係日本sales 同waiter
佢地真係好有禮貌同服務 你點試佢地d野
點煩佢 點黑面佢 佢地都有有笑容咁幫你
買野有慢慢幫你包裝 又送到你出門口 真係有d over
而且日本人真係好鐘叫 “歡迎光臨” 係又叫唔係又叫
每隔30秒就叫一次 真係擔心佢地日日咁叫會唔會失聲
唔怪得我番工都要不停叫啦 日本公司ge文化係唔同d

最後一定要提ge係 日本人d英文水平
本人英文已經夠差 日本人真係可以再差d
話說本同兩個英文不錯的朋友一齊去日本
係機場用幾流利英文緊係會問題啦
不過係食市 商店就完全唔ok 完整ge英文句子係聽唔明
我用單字ge英文佢地都係明少少 搞到我地勁辛苦
所以各位去日本 請一定要學一兩句必用日本
我地衰要拎住本旅遊書 指住”埋單” 個日文 同”找錢”個日文
去同個waiter溝通 真係問你死未

其實日本有好多野可以講~ 今次就不能盡錄
下次各位去日本 不況大家交流下心得
相信對每一次去日本都有所改進 而且更好玩