給我的婆婆

22/2/2011

今天是婆婆的喪禮
再一次喚醒我 婆婆已經離開了人世
看到她的遺體 比起她離世那天 瘦了一點
我明白這是物理的問題 不過心理上看著婆婆的軀殼瘦起來
心中依然有點心痛
還記得婆婆離世的那一晚 看著婆婆的遺體
確實跟在生時有點不一樣 也許這就是有靈魂的分別
我看的只是婆婆的軀殼 婆婆已經走了

尚記得婆婆離世的那日 看著婆婆的軀殼只被黑色大膠袋封著
然後被送走 那一刻我感覺十分強烈
我在為婆婆感到心酸 人生的無情
在數十分鐘前是活生生的人
下一秒卻像食物殘渣一樣 被大膠袋運走
說起來十分不尊重 但那一刻我卻卻有這樣的感覺
作為孫兒的我 當時真的感到愧疚
可是當時真的已經不能為婆婆做些甚麼
記得那時呀姨當時說了一句話 "婆婆升天了 都只剩下軀殼 不要傷心"
其實我沒有這樣豁達 盡管那只是一個軀殼 它曾經都是婆婆的肉身
現世就要這樣冷酷的處理婆婆的遺體嗎
其實接受不了!!!!

直至喪禮再看到婆婆的遺體
上了妝 我才感到安樂了一點
可能是因為事隔多時 大家都接受了婆婆離世的事實
各親戚都不再那樣激動 除了各姨媽們心情較為沉重
反之各表兄弟姊妹在靈堂 大家都有講有笑
甚至靈堂的工作人員也問我們 "你地有講有笑 宜家你家人過人身喎!"
聽起來都很像很不孝 不過我們各位都相信婆婆在天之靈
都不希望我們個個愁眉苦臉 都希望我們過得開心
而且我們亦更加不想婆婆過身後都要擔心我們
我們要確實地為婆婆辦上一場"笑喪"
大家都盡上最後一分力 摺元寶的摺元寶
燒元寶的燒元寶 即使一切都只是儀式
都希望給婆婆獻上我們的孝心
直到觀瞻遺容的那一刻 大家都忍不住流起淚來...

婆婆勞碌半生 誕下九名兒女
以當年的家境 其實養育九名子女的確不易
然後九個兒女又有各自的生活與家庭 再誕下各個兒女 我們成了婆婆的孫兒
婆婆再默默的湊大我們 她對於我們各人都是功不可抹
婆婆的確是一個賢妻良母
憑著各個姨媽對她的愛 每星期六都長途跋涉去探望她
以至都連作為孫兒的我們 都感染到親情的重要
即使我們長大了 各親戚的關係都親密的很
可知道婆婆對我們的影響有多大
可是我們越大 便越少探望婆婆
有時真的嫌大遠 懶得探 想起都有些後悔
不過說起親情 我們是一定不會忘記
這份情是婆婆以她一生苦苦的為我們築下來的

很記得跟婆婆番大陸拜山的快樂
很記得婆婆頂替各姨媽們湊大我們
呃各個孫兒食很多很多的飯
得記得公公同婆婆的溝通方式 公公呀婆婆做叫 "呀伯" 婆婆叫公公做 "呀大"
奇奇怪怪 不過對於我們來說 都很親切
記得很多很多...
在喪禮之前 大家都商討買甚麼給婆婆作靈前食物
我一想就到糯米糍 同 草餅
記得小學時 婆婆到我家湊我時 我很喜歡跟婆婆去百佳買草餅食
買足一星期 買到加價 想起都很好笑
如事者 就跟家姐同表姐提議買糯米糍 同 草餅
誰不知 原來家姐同表姐一早就決定要買呢兩食物
原來大家都有留意婆婆喜歡食甚麼 婆婆其實只是在我們內心深處
只是我們沒有表達出來而已

婆婆半生中其實都在勞碌中渡過
由青春時捱大九名子女
直到連各個孫兒都長大的時候
漸漸身體卻出現毛病
細膽的婆婆 一直都不願踏入醫院
幸好一關又一關給她捱過
直到最後一刻 婆婆就是跌了一跌
就這樣離去了 而最後遺言都是叫公公不要送她入醫院
我相信這樣的離去對婆婆來說都算是一個好運
亦是算是上天對她的卷顅 不用她在醫院中去逝
比起要在醫院插喉的 這樣離去對婆婆來說都舒服得多

婆婆 對不起 我們不能再服侍你了
是我們不孝 不過我們都希望你可以一路好走
這一篇文是我用來紀念你的 你永永遠遠都是我們心中的好婆婆
多謝你....


樹欲靜而風不息
子欲養而親不在

我怕肥人

現在我正在搭緊巴士，身旁正坐著一位肥佬。
可能我對肥人有歧視，我覺得總有一陣怪味，
雖然不嚴重，不過我感覺十分不良好，
最要的是，他身佔範圍太大，我不便陏動，我更加辛苦！！

而直覺話我知，好明顯係因為我瘦，而招來橫禍。
話說巴士上都有七成滿，個肥的好明顯想搵個好位，
就隊左埋黎同我坐！！
其實我心中係極為不滿意！
雖然我內心明白肥不是一種罪，之不過我內心亦暗地標籤左肥人總是污糟
因為易大汗，搞到一陣味，十個惡頂，
而又唔明點解唔用止汗劑，
But anyway 點都好啦，我就是怕了肥人。
同埋我宜家坐得好辛苦！

工作閒談

話說今日是我人生落更check-in的第二日
很多工作都沒有掌握得很好
事無大小都驚得我四處向人求救
幸好同事都不厭共煩 盡量都有從旁協助一下
否則我也想像不到我會怎樣

早上客群幸好沒有太多奇難雜症
而且態度良好
其中一班青年來check in, 不介意我慢之餘,
而且有講有笑, 很好!!!
另外有一位長居外地,不過應該係香港住過一陣子的女士
估到我是新手, 做慢了一點也不介意
而且還閒聊了一陣, 內容大概是她不太喜歡香港人之類
認為香港人無禮貌, 不懂諒解等等...
在以為幸好今天還沒有遇上她上述的客人之際
惡夢真的開始!!!

長龍出現, 麻煩師拉殺來!!
師拉有駁機情況, 去完上海再轉機去USA
於是既要幫佢寄行李到尾站,登機証又要幫佢搞搞
先是上海個程搵個靚位~ 又要兩公婆一齊坐
無奈飛機幾滿下
於是要搵上級放位 不過上級又唔得閒
師拉立即唔高興 黑起面
"你新做嫁!!! 都唔明擺個新仔係咁煩忙GE時間!"
咁我只可以做既只有係等位放
一路等佢一路炆
"你可唔可以快D呀!! 不如叫格離位幫我啦!!"
....
終於幫到佢拎到位 咁當然要出埋下程USA張登機證
好衰唔衰 出唔到張登機證
"算啦~ 我自己去到上海再搞張登機證!! 你幫我寄左行李先"
誰不知佢寄紙箱 程序又長左
佢又唔滿意
"你快D可以嗎!!!!"
最後終於所有程序完結 放佢走...

下一位男仕
"我去成都!!! 唔走出錯搞左我去北京!!!"
....
快快手 完事... 放佢走

下一位女仕
又係寄紙箱...
快快手check in完
"小姐, 你登機時間係...."
"唔洗講~ 我知!! 我趕時間"
...................


其實我明給佢地咩心態, 不過既然知道我是一位新手
可以高臺貴手, 給我一點時間好嗎
我已經盡努力幫你搵個好位
要不是你要求多多 寄埋D死人紙箱
令更多程序出現 都不用這麼煩吧
飛機滿是一個事實 上級忙是一個事實
我又不是不盡力幫你, 只是有太多因素令事件變得煩覆而已
我都只是一個人, 打一份工 check-in程序有幾多, 駁機要做多幾多樣功夫
去USA又要比去其他地方做多幾多樣野 你又知幾多
你可以體諒一下又可以嗎?

唉... 一早知份人工係包比人鬧, 我其實又何必怨呢!!!

你是kidult嗎?

近日看雜誌, 學了一個新詞語-- kidult kid+adult合體
可能你一早聽過, 不過你又有否知道它的意思呢?
不論你知道與否, 我看完那雜誌的描繪,
我發覺我自己不折不扣的是一個kidult!!!!

kidult 大約的指那些工作中 而又 "大不透" 的成年人
(讀書者還有時間hea, 可以卸去當adult的責任吧...)
那kidult又有那一些特質呢.... 以下就找一些重點跟大家說明一下
看看你又是否是一名 kidult!!!

性格上
1不負責任: 表現任性, 散漫, 過於自我中心, 習慣隨心所欲, 出了差錯愛責怪別人
2缺乏自信: 害怕失敗,不敢勇於行事, 面對挑戰常找藉口逃避
3難於堅持: 挫折忍受度低, 行事不順或受批評便易情緒化或放棄
4關係障礙: 與異性交往害怕承諾
5衣不稱身: 打扮年青, 與年紀有出入
6好奇心強: 愛試新事物, 喜歡熱鬧氣氛

職場上kidult的幼稚心理
1覺得自己不夠好: 覺得自己不能勝任較高職位
2杞人憂天: 想像一切負面結果, 一有差錯也不致令自己太過難堪
3言不無真:一切講真話
4甘卡寂寂無名
5習慣忍讓: 排斥關係: 覺得不需要靠人事關係上位
.......etc

以上有幾多說中你心聲呢?

你最好沒有鼻子!!!!!

有鼻敏感的人 一定經歷過以下差不多的事...

事緣
晨早上班要塔地鐵, 由一踏入地鐵口的一剎
便心知不妙... 一陣熱騰騰的空氣攻入鼻子
立即知道鼻敏感即將發作
由入閘起, 鼻子癢得要命!!!
不停索鼻...索鼻...再索鼻...
其實已經心知索鼻總會引起一些小題大作的人注目
所以我已經盡量將音量收細
可惜仍難途一劫...
索鼻期間, 坐在旁邊的男人望了我一眼
請注意! 他望我時, 不是斜眼偷望的那一種
他是向前烏了身子, 再45度轉過頭來望著我
眼神極不友善, 好像認為我正在謀殺整架地鐵的人似的
嘿... 其實我已經很細聲了, 何況我一個噴涕也沒有哦!
可是我每索一下鼻, 他便用同樣的眼神看我一次
直到下一個站有空位騰, 他恨不得地以九秒九時速轉了位置
其實我同樣地也恨不得他快些遠離我, 我當時根本尷尬得要命
因為他的大動作, 很多人因此而專注著我
誤會我有病在散播細菌, 其實我只是鼻敏感而已
本身已經受鼻敏感折磨著, 又要受那個男人給我的壓力
心中除了不是味意之外 真的想不到當時的我可以做些甚麼
太可惡!!! 作為男人的他, 竟然像個女人般如此計較
我其實又沒阻你些甚麼, 反之你小提大作的走開
才令我尷尬得要命麻!!! 別人眼看不知以為你在受罪
屁喇!! 其實我才是受害者呢!!

PS: 你最好個仔無鼻敏感!!! 咁驚死!! 仔都唔好湊丫笨!!!

《兩個獨孤精的生活》

SMS鈴聲突然響起~~~~
"喂! 不如一陣一齊食野丫"
"唔得喎! 一陣同呀麻睇醫生喎"
"咁算啦"
"做咩咁好約我食野呀"
"肚餓就要食嫁啦"
"WOW 係喎~ 你睇下幾乖~ 勁快覆你"
"咩料先"
"無意思嫁! 反而想知你係咪比 "家人"刺激"
"我無新家人喎~ 我寫得出都估你地會亂諗嫁喇"
"都唔知你係咪真嫁"
"如果有"家人" 就唔搵你啦! 我認我無人性嫁~
"baby 咁你又講得岩喎! 兩條獨孤精的約會"
"係呀 獨孤精係我係我囉"
"你好funny囉"
"有funny但無honey囉"
"fxxk u 你一定比鬼上身"
"係呀 貧窮神同獨孤精上身"
"妖~ 你搞到我好想見你"
"你唔好咁啦我會怕醜嫁"

.........

獨孤精就是我們~ 不過又怎樣呢!!!

我們享受現在的生活

中女也說 三十又好 四十又好 I enjoy my life!

啍~ 我們生活就是精彩得很

《聊事生非》

我曾經以為自己略為懂事 至少不是無知
以為口甜舌滑 不會惹甚麼麻煩
以為會平平穩穩 簡簡單單
或者從來都是簡簡單單 只是我想得太多
才會一直在聊事生非

聊事生非是我一直一直想做的 甚至生活中都一直在做
可能其實覺得我只是在撩事生非 死淨把口
不過到今日已經不再重要 反正我的生活一直都不是想討好誰
很多謝曾經來過聊事生非的人 雖然我唔知你了解這裡多少
很多謝曾經被這裡感動過的人 被chan bb感動過者更甚
希望總有一天 明白到甚麼是聊事生非
其實不是有一把嘴或一對手就可以

《我愛人字拖》

身邊不少朋友都喜愛人字拖 而我自己都係!
有朋友甚至有十九幾對同款唔同色ge拖鞋
都依然繼續買 繼續買黎擺 都依然覺得開心
無他... 踢拖出街真係好方便又舒服 既乾爽又易襯
唯一唔好處 就係腳板會黑會污糟
亦有人覺得踢鞋太街坊 好唔得體 唔適合出街
雖然我唔係好明點解要咁諗 其實涼鞋都係差唔多姐
涼鞋又易接受d咩...
唔識欣賞拖鞋ge好都算
我更加唔明點解有人可以唔識著拖鞋 踢拖行路會畸形囉
真係唔明 咁簡單都唔識 (係呀! 我係話緊你呀!)

anyway 理唔理你鐘唔鐘意拖鞋都好
我最鐘意拖鞋ge原因 都唔係以上個幾樣
而係我最鐘意踢拖行所發出ge聲音 (記住!!! 係踢拖! 唔係著拖喎! 踢先有聲嫁!!! )
"啪啪" 聲 好好聽 ( 咦~ 壓晒韻咁喎)
我一踢鞋就要專登整d 啪啪聲出黎 驚死人地唔知我行緊路咁
我衰到試過夜晚比家姐話我對拖鞋太嘈 佢訓唔到...

我唔知大家著拖鞋行會唔會有聲
不過如果大家都鐘意整呢d咁ge聲呢 我有個好地方介紹
就係由尖沙咀地鐵站行去尖東站個段路 係最好整呢d聲ge時候
條路又長又靜 人唔算多
有次我一路行一路啪 勁大聲 雖然d人望住晒
不過d聲勁好聽 又夠刺激
有同嗜好者 可以試一試
吹咩~ 我就係鐘意拖鞋夠嘈!!!!!

《買衫也要有學問》

我是對衣服有要求的人
不需要貴 不需要名牌 只需要靚就可以
懂得衣著是人生重要的一環
不單是對自己外貌上的專重 也是對別人視覺的一種禮貌
更所謂人靠衣裝 衣服絕對影響別人對你的評價
身為一個sales 我發覺左很多人買衫都很奇怪 (在我眼中)

其一我不明白 排骨仔一族 點解買衫專買大碼衫 甚至加大碼
明明身材已經瘦到升仙的地步 明確d講句 有我咁瘦 只係高我少少而已
我著中碼已經嫌略大 不過仍可接受
而排骨仔一族竟然要買大碼或加大碼 我明有oversize呢種著法
也未免大誇了吧!!! 而且論你一身普通短褲+一件加大碼衫ge造型
點都看不出行oversize路線吧 襯番條闊身短或長褲都好看一點兒
瘦而身材高就話無得選擇 買大或加大碼去配合個高度都好少少
又矮又瘦 件衫又大又長 下身重要窄 搞到上闊下窄 只可以講你九唔搭八
街坊look都可接受 但憑你係銅鑼灣買衫 加上身上飾物同對唔錯ge鞋
都知道係有心打扮過一番 知道自己係出緊銅鑼灣
可惜半身oversize著法真令人摸不著頭腦 拜託

另外是關於老一輩人士買衫ge問題
我覺得自己著咩size同喜好應該係好清楚
就算第一次係某一間商店唔知衫ge尺寸 咁有更衣室比你試衫丫
唔試咪擺上身評一評 一生人買咁多次衫 唔係唔知衫點先係岩唔岩身呀
明明放上身評完就知咩size係岩著嫁啦
我唔明點解死都要拎兩件唔同size黎死度爛度
度衫就姐係代表你知道差一個size其實都岩著啦 只係鬆身同緊身問題
度咁耐有咩用呢 你唔知自己鐘意鬆身定緊身ge咩
都唔知度咩???? 奇奇怪怪...

其實我重有好多關於衣著ge問題 呢兩個只係最簡單而常見ge問題
例如衣服顏色 顏色配搭 衣服款式 個人型象 等等等等
甚至其實最想係著衫ge態度 都好想發表
不過好似講到好誇張 未必人人接受
暫時就在此停筆
如有回響 去我xanga or在此留言吧~

《我愛漢堡》

對不起~ 我說不是食的漢堡 而係德國ge漢堡
今日新聞透視講起環保問題----回收
令我諗起<膠袋稅>
依然我對環保有一份情 自問不是一個良好環保人仕
不能以身作則 憤世嫉俗咁叫各位環保一下
無奈 環保癮起 在知識不足 行為不檢下
仍想向大家宣揚一下環保意識

不知大家今日有否看 新聞透視
原來德國漢堡被世衛稱為 綠色之都 ( 請不要鬧我孤陋寡聞 )
而最令我本人滿意ge係 德國人ge環保意識到法律都令我開心得落淚
人民真的會將垃圾分類得十分仔細 ( 屋企有四個垃圾筒囉! 紙類,膠類,鐵類, 食品殘渣)
而且會自動自覺揸車去回收箱將垃圾分類
其片中一位德國說 "不是麻煩與否 而是習慣而已"
另外他們依然用的是焚化垃圾ge方法處理 當然釋出ge氣體係經過嚴緊處理啦!!
而處理垃圾ge熱力會用黎發電力 而且處理垃圾時候發出黎ge沼氣
都會用黎發電 殘渣就會用黎做肥料
看~ 多令人感動!! 越睇就越是高興

我明白香港不能一時三刻變成這樣
但連片中在香港提及環保 竟然都要提到錢
算吧 安守本份吧 其他都不是我們控制之內 ( 政府請努力!! )
自問垃圾分類不是完善 但我有做的
尢其對紙類同膠樽特別著緊 呢兩樣野在我手中 一定會進行分類
大家知道嗎 香港堆田區好似唔知六年定九年就會飽和
到時各位會點呢~ 到時唔通要與垃圾同眠嗎?
希望各位都關心一下自已身處ge環境啦
為環保行一小步總好過一步都唔行
這個網睇ge人數有限 但希望每人睇完都為環保出一分力
在自己網誌上 用自己ge言語 用自己ge方法 宣揚一下環保吧!!
就好似我咁: 如上文般我對紙類同膠樽特別敏感
我會盡量回收紙類同膠樽類嫁~

p.s 多謝呀da 對我篇 <膠袋稅>有感~
好希望可以繼續有人會留言比我地啦~

《膠袋稅》

當看新聞知道政府實施膠袋稅
心中不禁高興起來
我不是甚麼環保人士 甚麼環保組織代表
只不過我一向都有一點點環保意識呢
我唔知幾時開始 一向去超級市場都唔拎膠袋
所以野都係用手拎 OR 放入背包
除非真的無辦法下 先免為其難拎個膠袋用一用
而最厲害個次 都係買四支紅酒 無帶袋下
放晒落衫袋同褲袋 剛好D袋夠晒深
而且幾十步路就番到屋企 除左會比途人用奇異眼光望幾分鐘之外
為環保而樣衰小小 我覺沒甚麼大不了

其實有時買外賣 我都感到外疚
無奈需要起來 趕時間 發泡膠,膠袋必須都要用一用
所以我明有時係無可避免要浪費一下
而言 希望大家 盡量都避免用膠袋同發泡膠啦!
紙張其實都可以用少D 或者用完再用
冷氣都唔好成日開啦 告訴大家
上年夏天我開冷氣GE次數係四次 每次開左6個鐘就關左
我不是在晒命OR扮環保 而係我真係認為每個人出小小力
其實唔洗全面環保 只要盡能力 盡量減低不必要GE浪費
唔好講到為左地球 事實上都係為左自己
相信大家唔想係自已有生年 比堆田區壓死 每日吸D勁臭GE空氣掛
努力為環保出力吧!!!