《自揭底牌》

人愈大，要知道的事都應該會愈來愈多吧。無論是自己有興趣知道的，還是只是自己不想知而無心插柳下而聽回來的，都似是沒完沒了入侵你的耳朵。特別是是非，很多事本來對你來說，知道與否，其實都沒有太大的影響，就是「得個知字囉」的分別。

不過，當有些事，只有一小撮人，又或是只有自己知道時，大抵將那些事稱之為「秘密」。當你以為知到很多秘密，但其實很明顯地那些都不是什麼秘密吧。是秘密，就應該永遠不會有人知，只會有當事人才可以完全明白當中一切的。

有些人以為自己知道很多，什麼小道消息，誰和誰有曖都知道的同時，就以為自己很利害。又或者，說到一些自身經歷時，自以為只有自己才能體驗時，其他人一說什麼意見時，就拋下一句「你都未試過，知咩吖你」企圖以此服眾。可惜，是不成功的。

當好些人可能知道很多事而不明言的時候，那個自以為是的人其實很蠢。自己什麼底牌都揭出來給人看得清清楚楚，人家就可能暗自偷笑你的無知。雖然，無知有時是一種快樂；但無知到了一個地步又不自知的話，就很愚蠢了。

誠然，世界上有太多的事，也不可能任何事都知得透澈。只是，不要以為自己知道很多就「聲大大」。人家不拆穿你，只是想你繼續愚昧下去而已。

《正生》

一向不管時事的我 只是偶然下知道了 "正生" 呢一件事
其實深入ge野我真係唔知 淨係知道 "正生" 要遷入梅窩
而梅窩居民就強烈反對!!!!

而我對此事感得非常憤怒
其一
該地居民口口聲聲話梅窩冇人吸毒 佢地唔需要一間為戒毒青年而設ge學校
佢地需要ge係一間真正ge中學 而且怕 正生 學生會搞壞當地治安!
聽見都令人火都黎 梅窩有冇人吸毒我地就真唔知
正生 學生會搞壞治安咁大ge指控就真係過晒火位 吸毒就一定係破壞ge咩?
真係想搞破壞ge人 係咪真係要咁辛苦唔吸毒 走去讀書 之後一邊學野一邊搞破壞呢
唔會有人利用咁麻煩ge手段去搞破壞囉 唔該~
加上正生遷入唔代表梅窩唔可以起多間學校姐 居民們咪繼續爭取囉
唔好將壓力推比一d無辜ge正生學生囉~

其二
社會越黎越多人吸毒人人都知 大家都希望能夠救多一個得一個
梅窩居民你地咁搞一搞 好明顯大唱反調
狠狠的打擊佢地ge信心 而且唔單單係正生ge學生 連吸緊毒ge青年
睇到咁ge情況 都可能因為咁而唔再踏上正軌
梅窩居民 你地呢d先至叫係破壞社會秩序

其三
浪子回頭金不換 人總有錯 但錯左識得番轉頭又有幾多個
肯番轉頭ge人 都唔肯比機會 咁只會越搞越錯
我明白梅窩各位居民無義務比機會給別人ge子女
不過大家都係香港人 成日口口聲聲都話 獅子山下一家人
如果連你地都唔比機會比一班青年 比一個機會他們去重投社會
整個香港將會變成點 呢班青年將來會係點
可能你多一點ge接納 就改變他們一生 甚至係社會ge將來
簡單d 將心比己 如果你個仔女係吸毒 肯改過而無人比機會佢
情況有幾咁淒慘 電視講得岩 給他們一個機會
比一次機會 救到ge唔單單係只係 正生一班學生
有更多邊緣青年可能因為見到大眾比ge機會 一個又一個的踏上正途

《事情是這樣的......》

我同親愛的K小姐去韓國旅行,回程的時候(9/6),飛機坐我隔離(左面)的女人是係美國回來的。後來(今日)衛生署的人中午12點打黎同我講個女人證實左有H1N1,問我有冇發燒咳嗽肚瀉等病症,我話冇,但我需要去鯉魚門渡假村做個簡單的檢查。衛生署會派人黎接我同送我回家。


說是檢查,其實是量體溫睇我有冇發燒,然後問診同係醫生面前食左粒特敏福。如果沒有病症出現就可以回家,自我隔離6-7日(計法是同病者接觸後的7日內),如果不幸出現病症,就需要被強制隔離直到檢驗到是不是帶有病毒(也是7日內)。因為病毒一旦感染潛伏期是7日,7日內不病發就沒有被感染或是病菌已被殺死。


傳播病毒的途徑是經飛沬,主要經咳嗽或者打噴嚏。也有可能是接觸帶有病毒的物件後,再觸摸口鼻而受感染。一般室外的空間,特別是有陽光,病毒幾分鐘之內就會消滅,室內的話最長則是30分鐘咁上下,主要是空氣不流通溫暖潮濕的地方。醫生話,病人出現病症之後8-10個鐘後先有傳播病毒的能力。所以接觸過我的人不用擔心,我到目前沒有出現過病症。


此外,一般人感染這個病毒,發病後治療2-3日就可以完全痊癒。所謂的高危人士是指那些長期病患者/受了傷的人/孕婦/幼兒,因為他們的身體抵抗力弱,由其係長期病患者(例如哮喘病同糖尿病人),容易出現拼發症,嚴重者就會危及生命啦!所以有可能感染病毒就要帶口罩!!洗手!同減少去人多既地方!因為一旦爆發社會感染,那些高危人士就會好危險!!!幸好,醫生說目前香港所感染的病者病毒都算輕微,只要及早發現同治療就問題不大。


懷疑感染的人(例如我),由於沒有出現病症,所以由而家開始的4日內我每日要自行去指定的診所問診量體溫同係醫生面前食左粒藥。4日內如果沒有病發(前後加起來是7日嘛),醫生就會俾另外個5日既特敏福我,我就不用再去診所(也可以出境)。為什麼是10日的藥呢?因為成個療程是10日啦。


好了,解釋大概係咁上下。


今日車我去鯉魚門的司機很好禮貌(雖然他沒有戴口罩令我覺得佢實在神勇,不過我相信佢係黎唔切戴就要走去車D人姐,因為佢一到步就問D人借口罩。)我是第一個人上車,佢同我講:唔好意思我要去再車多兩個人就可以去鯉魚門了!然後唔該前唔該後的。


我明白,我們經歷過SARS, 大家在這個骨節眼敏感些是正常的。其實遇到這件事真的是不幸啊!有些負面情緒出現其實是可以理解的。但是這不是必然的。同車有人投訴架車太冷,(由於車是沒有窗的,所以溫度必須維持21度以下,怕冷的人如不幸要坐車請帶多件褸。)有個女人在檢查的大堂大吵大鬧說俾蚊針D醫護人員竟然唔俾蚊怕水佢: 我係到成日啦!!都未有車黎車我去默李浩,8個鐘,深圳來回都得啦!!我被蚊針左5粒啦!我話肚餓你地D人竟然拿杯麵俾我食飯盒都冇個!balabala......


啊小姐,妳冇錯係慘,不過個到既醫護人員同救傷隊既人一日到黑都要係個到工作呀!而且分分鐘係廿四小時咁對住D疑似病人!你俾蚊針左幾下姐!如果咁都傳染到就唔會係個到設站啦!而且分分鐘係你有病傳俾人地架好唔好!而且你餓一日唔食野都唔會死的,當減肥啦!


醫生問完我診既時候,佢問我食左野未,我話未,然後佢俾左D餅乾我,還幫我倒了杯水,我跟他道謝,佢話: 唔使多謝,你地都係受害者姐! 那十幾分鐘的問診裡,佢不厭其煩咁詳細答我既問題,那陣都晚上十點幾了,可知道一日可能有過百個人咁問佢呢!


然後他的老闆經過,問佢使唔使休息下,佢話:唔使啦!我地而家個個都鬥志激昂!


感動啊!


我覺得政府這次真的做得算不錯了。醫生說呢個星期新增左好多疑似病人同病人,大家要小心身體,做好清潔的動作同有唔舒服就戴定口罩啦!避免去D人多既地方!如果你係屬於高危人士,最好還是戴個口罩保護自己!


在此,真的很感謝支持我的親愛的朋友。祝福我吧!




P.S.
今日衛生署D人打黎的時候,我正在睡夢中。講完電話,轉個身就發現一張由E先生係西安旅行寄過來的POSTCARD,只有三句野,最尾一句咁寫:「希望你不要被隔離!」


他媽的烏鴉口!!我前世同你有仇嗎!!!正常人會咁寫架咩!!!

《香港人!?》

作了sales仔都有兩三個月 而且都係part time 仔一名
番工日子就唔多 不過與到ge事就唔少
至少看到人生百態~

前提:
本人係一間大型日本衣服品牌當sales的
而且係放多多衫係鋪面個d 因為呢個原因
發現好多香港人係呢類型ge鋪頭有一d怪病~

例一:
有好多客都係咁 年齡大ge就特別嚴重...
話說呢類人睇衫睇得好奇怪 佢地其實只係想睇衫ge款
不過呢就順便拎埋自己個size黎睇!!!
其實呢個都唔算係重點 最重要ge係
佢地唔係拎件衫黎睇 佢係扯件衫黎睇
姐係如果佢係大碼or加大碼人士 就好大獲
成棟衫就會比佢地扯跌晒...
其實都只係想睇下個衫款姐 第一件衫都可以姐
係買先拎size都未遲姐 唔好難為sales丫

例二: d人扯衫都扯得好得意 如上提
一棟衫有細至加大 如下:
s
s
s<------- m m m<------- L L L <----- 專扯最底個件 XL XL XL 明明一棟衫有晒細至加大 佢地專係要想要個size既最底個件 我都唔明真係怪怪地~ 件件都一樣嫁啦 底d個靚d咩 話你知 其實件件都有可能比人試過 唔好以為係底就無人試 日日都有人試衫 d人試完唔買 我地都係亂擺番入去 所以拎邊件都死 咁扯法只會有更多衫跌同亂 害死d sales 例三: 明明一大棟衫細至加大都放係到 死都要件新
真係火都黎 我明... 怕d衫比人試過d衫驚污糟
特別係d女仔同女人 不過近期要新貨ge係男仔多呢
真係唔明現代男性搞咩 真係咁驚污糟咪唔好出街囉
出街都有車塵啦 不如去醫院買保護衣物啦 唔好買衫喇
明明擺左十九幾件你要ge size 都要拎件新ge 真係麻煩

例四: 有d人買衫買得好奇怪 試完衫岩身 竟然唔係出比錢
係會走番出去搵件新ge 我見過好多次d客係fitting 試完衫出黎
拎住見衫出黎搵多一件 咁我上前問
"有無野幫到你?"
" 我想搵中碼"
"你手個件係中碼"
"唔係呀~ 呢件我試過 我要搵件新"
"...........我幫你搵丫......."
如上講過 其實件件都有可能被試過~ 可能你試個件咁岩可以係新拎出黎
你再搵個件其實比人試過n次都有可能
所以都係算啦 試完比$走啦.....

例五: 有上左年紀ge客真係買件衫都勁多野問
"我想問呢件衫咩質料嫁"
"我想問呢件衫係咪100%棉"
"咦..件衫點解咁設計ge 咁長點著得好睇 真係有人著嫁"
"件衫唔係100%棉 d日文我又唔識睇 其實係咩呀"
咩問題都有 淨係上面個d都遇過唔少
其實sales只係一個sales 唔係designer 唔係製造商
係唔完全識件衫咩料
亦唔會知件衫點解咁設計
就好似你都識講啦 d字係日文 sales又點會知呢
都係幾十蚊一件衫 唔好著下次咪唔買囉 唔好咁麻煩啦~
其實我地都只係一個sales仔黎嫁炸 唔係萬能嫁

ps: 相信有好多人 包括自己在內 係未入行之前
都以為一間大型衫店入面有好多sales 個場整到幾亂都好快執好
以為佢地接兩下就有$收 無咩野做
其實唔係 成間鋪真係得五六個人係接衫 真係一個人負責整個男裝
你可能諗下個sales 接得幾慘 而且其實sales 唔只接衫嫁
有好多你唔知ge野做 絕對唔同一間細ge衫店or中型衫店
細or中型個d可能只係放一兩件中碼大碼出黎 之後幫你係艙到拎size
可能完全唔洗接衫 只係掛兩下衫就ok 而且每日人流都可能唔過100
真係可以無野做企一日 因為呢類sales我都做過
所以請體諒一下大型衫店d sales 吧 唔好搞亂檔!!!!

《心甘．命抵》

（有時很懷疑，是不是每一個會寫愛情話題的人，都寫過有關「男人不壞，女人不愛」？最近看的幾本書，都有幾個章節談這個呢。）

壞男人的吸引力，未必是他那俊俏的外表，又或是豐厚的財力。當然，有的話，聊勝於無。壞男人，大多都壞在骨子裡。浪漫時，甜言蜜語一大堆，你都不知道他是不是說真話，又或者，明知是假話，也會深信不疑。冷待你的時候，只會是啞子吃黃蓮，向人傾訴也沒有人會可憐你。所以，才會有人說那些甘心情願和壞男人一起的，都是蠢的，賤的。

也不是吧。

那全都是供求問題。壞男人能給你的，好男人全然不能給你。壞男人的點子多，能哄得你笑得甜蜜，一個壞男人也待你這樣好，還不能滿足嗎？好男人，待你好，你只會是覺得理所當然，沒有驚喜，又何來感動？

既然壞男人給了你驚喜、虛榮、刺激，連帶的可能是傷害，一刀刀的切膚之痛。大概，是PACKAGE來的，是等價交換。

要是和壞男人糾纏上，就要有最壞的打算，會招來身邊的人冷嘲熱諷。不過，你開心快樂的時候，其他人又能知道多少，感受多少呢。既然，開心與否都是自己的事，別人的意見，總不會比你自己想要的重要吧。

反正，討好別人那麼難，最要緊的，是可以取悅自己。